Sabi nila, love is blind. Mukhang totoo yata ang kasabihan, dahil nainlove ang mestisong tsinitong si Ric sa isang hindi naman kagwapuhan at ni charm yata, ay walang taglay talaga. Pero ewan ko ba, kilig na kilig naman ako sa aking nobyo.
Ric: Oh di ba? Ang cute ng aming bagong selfie?
Arc: At umaasa ka pa na may magla like ni isa sa selfie ninyo kapag na post mo yan sa fb o twitter o instagram?
Ric: Eh di ako tapos siya! Dalawang like na yun!
Sa totoo lang, wala namang pakealam si Ric sa sasabihin ng iba, manhid na yata ako. Dahil kahit nakikita kaming magkasama ng ibang tao na sobrang PDA, hindi ko na pinapansin pa.
Ric: Basa na naman ang likod mo! Halika nga dito at pupunasan ko!
Gin: Huwag na! Nakakahiya naman! Maraming taong nakatingin sa atin!
Ric: Ay! Kinakahiya mo ba ako? Baligtad yata ah!
Gin: Ha?
Ric: Ang sabi ko, mukhang baligtad yata ang pagkakalagay ko ng bimpo sa likod mo! Huwag kang sumimangot! Wala ka ng ipapangit pa!
Kahit naman binibiro ni Ric ng ganun ang nobyo, mahal naman niya ito.
Arc: Friend! Uso yata talaga ang kantang gayuma! Nabiktima ka eh!
Ric: Tse! Basta ako, mahal ko ang taong yun! Kahit siya pa ang pinakapangit sa buong universe!
Arc: Tingnan mo, sayo na nanggaling! Pangit talaga ang boyfriend mo!
Ric: Suportahan mo naman ako, akala ko ba kaibigan kita?
Arc: Suportado kita sa relasyon ninyo friend, saka naniniwala naman ako na mahal mo ang pangit na yun!
Kung positibo ang nararamdaman ni Ric sa nobyo, kabaligtaran naman ito kay Gin. Naroon ang pagdududa lalo na kung sa itsura ang basehan. Gwapo ang nobyo, at maraming nakapaligid dito. Ano ba naman ang laban niya sa mga good looking na mga naging ex nito at mga pasimple pang pumoporma sa kanyang nobyo.
Gin: Sa palagay mo, tama ba na pagdudahan ko yung feeling sa akin ni Ric?
Yen: Ay naku bakla! Masama ang magduda! Pero yang pagka insekyura mo, yan ang sisira sa relasyon ninyo kapag na open mo yang doubts mo kay Ric!
Gin: Masisisi ba niya ako na pagdudahan yung nararamdaman niya sa akin?
Yen: Huwag kang magdrama bakla! Hindi ka naman pinagpala masyado sa mukha, saka huwag ka ng choosy! Kung baga sa lotto, naka jackpot ka na kay Ric!
Iyun ang alalahanin ni Gin. Alam naman niya na kahit paano, may ilang pa rin si Ric na kasama siya sa harap ng maraming tao.
Ric: Oh bakit nakasimangot yang mukha mo? Papangit ka pa niyan! Payakap nga!
Gin: Pangit na nga, may ipapangit pa ba!
Ric: Pero para sa akin, ang gwapo gwapo...
Gin: Huwag mo na akong bolahin Ric! Pinapalubag mo lang ang loob ko!
Ric: Ok po! Pangit ka man sa aking paningin, sa puso ko, ikaw ang pinaka gwapong lalake na mahal na mahal ko! Huwag ka ng mag self pitty dyan!
Minsan, aminado naman si Ric na naiilang siya kasama ang nobyo lalo pa at naroon yung mga biruan na hindi maganda tungkol dito ng mga kaibigan niya.
Arc: Nagpapaapekto ka ba sa mga sinasabi nila? Akala ko ba, manhid ka na sa mga sasabihin ng mga tao?
Ric: Hindi naman ako nagagalit! Naaawa lang ako kay Gin! Kasi kahit anong assurance na sabihin kong seryoso ako na mahal konsiya, andun yung pagdududa pa rin niya eh!
Arc: Dedma lang girl! Hindi naman alam ng mga taong yun kung ano yung saya na nararamdaman nyo! Kayong dalawa lang ni Gin ang nakakaunawa nun, syempre, dahil kaibigan kita, nauunawaan ko na may ganyang pagmamahal talaga!
Kaya naman para mawala yung pagdududa ng nobyo, pinilit na isama ito ni Ric kung saan naroon ang maraming tao. Magkahawak sila ng kamay. Minsan, hinahalikan pa sa pisnge ni Ric ang nobyo.
Gin: Maraming taong nakatingin!
Ric: Eh ano naman! Sila nga, hindi naman natin sila pinapansin sa ginagawa nila di ba?
Gin: Kahit na! Public place ito!
Ric: Ah, gusto mo sa private place kita tuka tukain?
Gin: Seryoso ako Ric! Nahihiya ako!
Ric: Nag eeffort lang naman ako na ipakita sayo at sa iba na hindi naman itsura ang basehan para magustuhan kita!
Gin: Hindi mo naman kailangan gawin yun para lamang...
Ric: Umuwi nalang tayo!
Gin: Hey! Galit ka na agad?
Ric: Hindi ako galit! Ayaw mo kamo na may nakakakita sa atin na magkasama, eh di sa bahay nalang tayo!
Pero hindi gumagalaw si Gin at hawak pa rin nito ang kamay ng nobyo.
Gin: Im sorry!
Ric: Sorry saan?
Gin: Dahil nagduda ako sa feelings mo para sa akin!
Ric: Sorry din! Kasi nararamdaman mo yung pagdududa! Alam mo Gin, kahit uso ang camera 360 at magpaayos ng mukha kay vicky belo, para sa akin, sobrang gwapo mo na!
Gin: Bola na naman!
Ric: Totoo! Siguro yung true meaning ng love, totoong nararamdaman ko na!
Gin: Kumpara sa mga ex mo at mga nakapaligid sayo?
Ric: Kumpara talaga sa kanila, artistahin sila talaga, pero ganun yata talaga, sa kakapili ko ng gwapo, sa pangit ako napunta...joke!
Biglang niyakap ni Ric ang nobyo. At bigla niyang hinawakan ang magkabilang pisnge nito.
Ric: Gwapo ka naman eh! Konting pisa lang ng mga tagyawat mo, pa brace natin yang mga ngipin mo at pa enhance natin yang ilong mo! Tapos mag gym ka, ay naku, next level ka na, hindi ka na chaka, magiging hipon ka na! Hehe!
Sa mga birong yun ni Ric, napapanatag ang loob ni Gin. Totoo sa kanya ang nobyo, at ayaw na niyang pagdududahan pa ito.