Gabi ng mga gabi. Yun ang tawag ni Ali sa espesyal na gabing yun. Dahil naimbitahan siyang magkape ng lihim niyang gusto na boss. Actually, business matter ang agenda, pero para kay Ali, maituturing na rin yun na isang date. Napapakagat labi pa siya sa tuwing iisipin ang mga mangyayari sa kanila mamaya ng kanyang boss.
Naalala niya, noong unang araw palang niya bilang staff sa kumpanyang yun, pinansin na siya agad ng isang gwapo at mestisong naka amerikanang lalake. Nasa early 30 na ang edad. Matipuno, matangkad at mukhang napakatalinong tao sa paningin ni Ali.
Dumaan ang bawat pahina ng araw at gabi, lalong tumitindi yung paghanga at pagkagusto niya dito. Hindi naman niya magawang sabihin sa boss ang nararamdaman niya para dito dahil mukhang walang panahon sa bromansahan ang boss niya. Lalakeng lalake ika nga.
Mas lalo lang tumindi yung feelings ni Ali sa boss niya tuwing makakasabay niya ito sa elevator, makabungguan sa tuwing nagmamadali dahil late siya at minsang isabay siya nito sa dala nitong sasakyan.
Alam ni Ali na mabait lang talaga ang boss niya sa lahat. Aminado siya na may kilig sa kanya ang mga pagkakataon na masosolo o mapapansin niyang nakatingin sa kanya ito.
Pero walang malisya sa boss niya ang mga ginagawa nito. Walang espesyal ika nga. Si Ali lang naman ang nagbibigay kahulugan sa lahat ng mga nangyayari sa kanila.
Sa gabing yun, gustong ituring ni Ali na isa yung date. Hindi man romantically, atleast nagka chance siya na masolo sa ganung pagkakataon ang kanyang boss. Parang nakakakilig lang talaga.
Dumating si Ali sa oras. Pero naroon na pala ang kanyang boss. Humingi siya ng pasensya pero hindi naman siya nasermunan.
Dumaan na ang ilang minuto, nasa monitor pa rin ng laptop nakatuon ang pansin ng kanyang boss. Nagkaroon tuloy ng chance si Ali na makita ng malapitan ang gwapong mukha ng nasa harapan niya.
Hindi namalayan ni Ali na sobrang init pala ng kapeng nilagay kaya inubo siya dahilan para mapansin siya ng kanyang boss.
Napangiti lamang si Ali sa pagkapahiya. "Kape tayo sir?", ngitian lamang siya nito.
Sa mga oras na yun, habang pinapakinggan ni Ali ang pagsasalita ng kanyang boss, pakiramdam niya ay musika iyun sa pandinig niya.
Sa tuwing matititigan niya ang mga reaksyon ng mukha nito habang nagsasalita, para siyang nalutang sa sobrang saya.
Dalangin na lamang ni Ali, na sana masundan pa ang mga ganung tagpo sa pagitan nila ng kanyang boss. Hindi siya umaasa na may mga posibleng mangyari, sapat na para kay Ali na makasama niya sa mga ganung pagkakataon ang kanyang boss
No comments:
Post a Comment